Kynningarfundur á Ísafirði í kvöld

Ísafjörður

Kosning til embættis biskups Íslands hefst í þessari viku eða fimmtudaginn 11.apríl kl. 12:00 og stendur til hádegis þann 16. apríl.

Kosningin er rafræn.

Kynningarfundir á þeim þremur frambjóðendum sem efst voru i tilnefningarferlinu eru í öllum prófastsdæmum landsins.

Þau eru sr. Elínborg Sturludóttir prestur í Dómkirkjunni í Reykjavík, sr. Guðmundur Karl Brynjarsson sóknarprestur í Lindakirkju og sr. Guðrún Karls Helgudóttir sóknarprestur í Grafarvogskirkju.

Á kynningarfundunum fá þau tækifæri til að kynna sig og málefni sín.

Nú þegar hafa verið haldnir fundir í Suðurprófastsdæmi, Reykjavíkurprófastsdæmum, Kjalarnesprófastsdæmi, Austurlandsprófastsdæmi, í Eyjafjarðar- og Þingeyjarprófastsdæmi og nú síðast í Húnavatns- og Skagafjarðarprófastsdæmi.

Upptökur af öllum þessum fundum má finna hér.

Tveir kynningarfundir eru eftir:

Í kvöld þann 8. apríl kl. 20:00 verður kynningarfundur í Vestfjarðaprófastsdæmi.

Verður hann haldinn verður í Fræðslumiðstöð Vestfjarða á Ísafirði.

Verður hann í beinu streymi á kirkjan.is  og verður auk þess aðgengilegur áfram á netinu.

Síðasti fundurinn verður á morgun þriðjudaginn 9. apríl.

Er hann haldinn í Vesturlandsprófastsdæmi í Félagsheimilinu Lindartungu sem er við Klolbeinsstaðakirkju kl. 17:00 -19:00.

Allir fundirnir eru í beinu streymi á kirkjan.is og síðan aðgengilegir áfram á vefnum.

slg